Esta colección constitúe un sistema ameno e accesible para familiarizar aos nenos coa lectura de contos e para achegalos ao mundo da comunicación.
Cada conto propón o coñecemento dun fonema, que poderá identificarse de forma auditiva (ao escoitalo na maioría das palabras do texto) e visual (ao ver a grafía da letra destacada en cor).
A colección inclúe propostas de xogo que inciden en aspectos como a comprensión e interpretación do contido do conto, a discriminación de sons e palabras, a asociación de imaxes a palabras, a conexión con experiencias da vida cotiá, a estimulación e ampliación de vocabulario e coñecementos, a práctica da expresión gráfica, a coordinación visomotriz, a creatividade e imaxinación etc.
Como último xogo, os nenos colorearán e recortarán unha letra, que poderán combinar coas do resto da colección para formar palabras.

1º-2º Primaria